Gaan Uit Haar Uit My Volk
'n Rykdom van deeglik nagevorsde materiaal oor hoe elemente van antieke godsdienste die vroeë Messiaanse geloof geïnfiltreer het, wat lesers uitdaag om die leerstellings van hul geloof te heroorweeg en na die waarheid in die Skrif te soek.
Hierdie deeglik nagevorste boek, wat vir die eerste keer in Suid-Afrika in 1986 gepubliseer is onder die titel "Die Finale Reformasie", verduidelik in detail die oorsprong van die Christelike geloof soos ons dit vandag ken. Dit brei uit oor hoe sonaanbidding met die Messiaanse geloof vermeng geraak het, en bespreek in besonderhede hoe feeste soos Sondag, Paasfees en Kersfees deel geword het van die Messiaanse geloof.
Dit verduidelik ook die oorsprong en betekenis van die gebruik van sekere woorde binne die Christelike geloof, woorde soos "heilig", "kerk", asook name en titels vir die Almagtige soos "Here", "God", ensovoorts.
Verder word die oorsprong van Christelike simbole soos die kruis, die vis, ens. verduidelik.
Gaan uit haar uit My volk is noodsaaklik vir enige gelowige wat ’n opregte begeerte na Waarheid het. Dit is van uiterste belang vir elke Christen wat begeer om terug te keer na die suiwer, onvervalste geloof wat oorspronklik aan die afgesonderdes oorgelewer is — dié wat die leringe van die Messias nagevolg het.
Hierdie boek word uitgegee deur die Institute for Scripture Research (ISR), maar is nie oorspronklik deur die ISR geskryf nie. Die inhoud en opinies wat in hierdie werk uitgespreek word, is dié van die outeur en reflekteer nie noodwendig die sienings van die ISR nie.